Familia, Telebista eta Internet izeneko CD multimediaren aurkezpena egin du gaur EHIGEk Hezkuntza saila eta Euskaltel Fundazioarekin batera. CD hau Interneten eskuragarri dago dohainik irakasle eta ikasleentzako www.ehige.org/familiatelevisioninternet helbidean eta web gune honetako PROIEKTUAk ataleko FAMILIA, TELEBISTA ETA INTERNET atalean.

Munduko Jendeen II. Jaialdia ospatuko da Bilbon ekainaren 23tik 29ra bitartean. Egitasmo honen helburua gizartea sentsibilizatzea euskal gizartearen eta Bizkaian bizi diren etorkinen taldeen arteko elkarreragina bultzatuz. Erakusketak, hitzaldiak, filmak, tailerrak, dokumentalak, kaleko antzerkia eta bar eskainiko dira. Egitaraua ikusi.

Astearte honetan, ekainak 17, BIGEren Ez-ohiko Asanblada ospatuko da Boluntan (Ronda kalea, 1-sarrera Zabalbide kaletik). Lehenengo deialdia 17:45etan izango da eta bigarrena 18:15etan.

Gai ordena:

• 2007-2008 Memoria
• 2008-2009 Plana
• Estatutoak
• Barne araudia
• Batzorde berria
• Galde-eskakizunak

Berdintasunaren Aldeko Gizonen Jardunaldiak antolatu ditu Bilboko Berdintasunaren Aldeko Gizonen Taldeak ekainaren 14 eta 15ean Bilboko Boluntan (Ronda kalea). Jardunaldi hauen helburua gaur egungo gizon izatearen eredua zalantzan jartzea da besteak beste.

• berdintasunaren-aldeko-gizonen-jardunaldia.pdf

“Zoom” Eskuko Telefonoekin Egindako Bideoen I. Lehiaketa antolatu du Bilboko Udaleko Berdintasun, Lankidetza eta Hiritarren Sailak. Film laburren gaiak gazteen artean genero-indarkeriari aurre egitea edo salatzea izango du xede. Bilboko ikastetxeetako DBHko 3. eta 4. mailako, Batxilergoko 1. eta 2. mailako eta LHIko 18 urtetik beherako ikasleei zuzendua dago. Bideoak 2 minutukoak izan behar dira mp3 edo mp4 formatuan. Urriaren 17an amaituko da lanak aurkezteko epea. Oinarriak eta sariak ikusi.

Prest daukazue EHIGEren 3. aldizkaria. Euskal Eskola Publikoaren 17. Jaiaren triptikoa dakar erdiko orrietan eta horretaz gain beste gai hauek jorratzen ditu: uda famili giroan, eskolako bidea errekuperatzen, Jaia, aintzinako jolasak berreskuratzen Alkartu ikastolan, Ikas-bi Jaia, Eskola Txikien Jaia, eta abar.

• ehige3-eus.pdf

Gaur goizean aurkeztu dugu prentsaurrean igande honetan, ekainak 1, Barakaldon ospatuko dugun Euskal Eskola Publikoaren 17. Jaiaren egitaraua. Beheko loturan ikus dezakezue:

• eepren-jaiaren-egitaraua.pdf

Julia Berrojalbiz sariaren X. edizioaren oinarriak argitaratu ditu Bilboko Udalak. Derrigorrezko Hezkuntzako ikastetxe publiko eta rpibatuetan 06-07 ikasturtean egindako hezkuntza-proiekturik onenari emango zaio sari hori. Lehenengo saria jasotzen duenari 6.000 euro emango zaizkio. Akzesit bi daude, bakoitza 1.200 eurokoa. Ekainaren 12rako aurkeztu behar dira eskariak. Oinarriak ikusi.

Hizkuntzak eta Inmigrazioa II. Kongresua ospatuko da maiatzaren 23an Bilboko Euskalduna Jauregian Unesco Etxeak eta Inmigrazioaren Euskal Behatokiak antolatuta. Gai honi buruzko ikerketa baten ondorioak biltzen dituen argitalpena aurkezteaz gain, nazioarteko eta bertako adituei entzuteko aukera izango da. Egitaraua ikusi.

Bizkaian lehiatzeko kirol jardueretan parte hartzen duten erakundeentzako diru laguntzak emateko Foru Dekretua argitaratu du Bizkaiko Foru Aldundiak. Guraso Elkarteek edo ikastetxeek egin dezakete eskaera. Hemen irakurri dezakezue Dekretua.